Májilis atqarýshylyq is júrgizý organdarynyń qyzmetine arnalǵan jobany maquldady
aýsymnyń 16-sy. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine atqarýshylyq is júrgizý organdarynyń qyzmeti máseleleri boıynsha ózgerister men tolyqtyrýlar engizý týraly» zań jobasyn ekinshi oqylymda maquldady.
Atalǵan zań jobasy QR Prezıdentiniń 2009 jylǵy sáýirdiń 22-sindegi «Qazaqstan Respýblıkasynda qylmysqa jáne sybaılas jemqorlyqqa qarsy kúresti kúsheıtý jáne quqyq qorǵaý qyzmetin odan ári jetildirý jónindegi qosymsha sharalar týraly» Jarlyǵyn oryndaý maqsatynda ázirlengen. Bul rette qujat boıynsha sot sheshimderin oryndaý tártibin buzýmen, sot tóreligin júzege asyrýǵa kedergi jasaýmen jáne sotty qurmettemeýshilik kórinisimen baılanysty qylmystyq isterdi tergeý jónindegi ókilettikter Іshki ister mınıstrliginen QR Joǵarǵy Soty janyndaǵy Sot ákimshiligi komıtetiniń qaramaǵyna berý kózdeledi. Osyǵan baılanysty QR Qylmystyq is júrgizý jáne Ákimshilik kodeksterine ózgerister men tolyqtyrýlar engiziledi.
Sarapshylardyń pikirinshe, Іshki ister mınıstrligi organdarynyń tergeý bólimsheleri jalpy qylmystyq quqyq buzýshylyqtardyń aýqymdylyǵyna baılanysty atalǵan sanattaǵy qylmystardy sapaly tergeýge múmkindigi bolmaı jatady. Budan basqa, mınıstrlik mundaı quqyq buzýshylyqtarǵa memleket tarapynan áserli nátıjelerdi qamtamasyz ete almaıdy. Sonymen birge, atqarýshy organnyń erekshelikterinen tolyq habardar bolmaýy ishki ister organdarynyń jumysyna keri áserin tıgizip otyr.
Májilis maquldaǵan zań jobasy Parlament Senatyna jiberiledi.
