Májilis Apparatynda qyzmet atqaratyn memlekettik qyzmetshi qyz-kelinshekterdi tól merekesimen quttyqtady
ASTANA. Naýryzdyń 5-i. QazAqparat - Búgin QR Parlamenti Májilisi Tóraǵasynyń orynbasary Jánibek Káribjanov depýtattar atynan Palata Apparatynda qyzmet atqaratyn qyz-kelinshekterdi 8 naýryz - Halyqaralyq áıelder kúnimen quttyqtady,
dep habarlaıdy QazAqparat.
«Naýryz - kóktemniń shýaqty da nurly merekesi. Sondyqtan búgingi arýlarymyzǵa arnalǵan saltanatty sharada barshańyzǵa shattyq sezim, erekshe kóńil-kúı tileımin.
Bizdiń qoǵamda áıelderdiń alatyn orny joǵary. Saıasat, ekonomıka, ǵylym men bilim - barlyq salada da áıelder abyroıly eńbegimen kórinip júr. Biz áıelderdiń qyzmetin joǵary baǵalaımyz jáne olardy qurmet tutamyz.
Apparat qyzmetkerleriniń denin qyz-kelinshekter quraıdy. Sondyqtan zań shyǵarýshylyq qyzmettiń sapaly da qarqyndy júrgizilýine, qabyldanǵan zańdardyń zaman aǵymynan qalyp qoımaýyna qosyp otyrǵan úlesterińiz óte zor. Osy oraıda bárińizge shynaıy rızashylyǵymyzdy bildiremiz»,- dedi Májilis Tóraǵasynyń orynbasary J. Káribjanov.
