Májilis aldaǵy kún tártibin naqtylady
ASTANA. QazAqparat - Búgin Májilis spıkeri Nurlan Nyǵmatýlınniń tóraǵalyǵymen ótken palatanyń Bıýro otyrysynda aldaǵy jalpy otyrystyń kún tártibi naqtylandy, dep habarlaıdy QazAqparat.
Onda depýtattar «2019 - 2021 jyldarǵa arnalǵan respýblıkalyq bıýdjet týraly» Zań jobasyn talqylaıdy. Ol Memleket basshysynyń Qazaqstan halqyna Joldaýy negizinde jáne Bıýdjet kodeksine sáıkes, elimizdiń 2019-2021 jyldarǵa arnalǵan áleýmettik-ekonomıkalyq damý boljamyna saı ázirlengen.
Sonymen qatar, jalpy otyrysta depýtattar nazaryna «Qazaqstan Respýblıkasynyń Ulttyq qorynan 2019 - 2021 jyldarǵa arnalǵan kepildendirilgen transfert týraly» Zań jobasy usynylatyn bolady.
Jalpy otyrysta basqa da zań jobalaryn qaraý josparlanýda.
