Májilis agroónerkásip keshendi damytýǵa arnalǵan jobany óndiriske aldy
ASTANA. 7 naýryz. QazAqparat - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine agroónerkásiptik keshendi damytý jáne qoldaý máseleleri boıynsha ózgerister men tolyqtyrýlar engizý týraly»
zań jobasyn jumysqa aldy. Atalǵan zań jobasyna bir top depýtattar bastamashylyq jasaǵan.
Zań jobasynda azyq-túlik qoryn uıymdastyrý jáne ony paıdalaný tártibin, erejelerin zańdastyrýdy qarastyrady. «Azyq-túlik turaqtandyrý qorynyń halyq turmysyna qajettiligi, onyń mańyzy jáne memlekettik qaýipsizdikti qalyptastyrýdaǵy orny kópke málim. Bul rette zań jobasy aýyl sharýashylyǵy ósimdikterin qorǵaýǵa da jańasha ádistemelerdi paıdalanýdy zańdastyrady. ıAǵnı qujat dándi-daqyldar jáne taǵy basqa taǵamǵa paıdalanylatyn ósimdikterdiń qaýipti aýrýlarynyń aldyn alý maqsatynda qoldanylatyn jańa tásil men ádisterdi ıgerýge jol ashady. Otandyq taýar óndirýshilerge arnaıy kómek berý joldaryn sheshýge osy zań jobasy yqpal jasaıdy», - deıdi depýtat Tólegen Ybyraev.
Qujatqa Úkimettiń oń qorytyndysy berilgen. «Atameken» odaǵy men basqa da sarapshylar toby qujatqa qoldaý jasaǵan. Endi qujat Májilistiń komıteti sheńberinde qurylǵan jumys tobynda talqylanatyn bolady.
