Májilis Adam quqyqtary jónindegi ýákil týraly zań jobasyn birinshi oqylymda maquldady
Adam quqyqtary jónindegi ýákildiń adam men azamattyń buzylǵan quqyqtaryn qalpyna keltirý jónindegi ókilettikteri aıtarlyqtaı keńeıtiledi. Osy oraıda tıisti quqyqtar belgilengen. Ótinish berýshiniń buzylǵan quqyqtaryn qalpyna keltirý úshin qabyldanýǵa tıisti sharalarǵa qatysty memlekettik organdarǵa nemese laýazymdy adamdarǵa usynystar joldaý, sondaı-aq memlekettik apparattyń sheshimderimen nemese áreketterimen (áreketsizdigimen) adamdardyń shektelmegen tobynyń buzylǵan quqyqtary men bostandyqtaryn qorǵaý úshin talap-aryzben sotqa júgine alady.
«Mundaı tetik alǵash ret usynylyp otyr jáne adamnyń buzylǵan quqyqtary men bostandyqtaryn qalpyna keltirýge baǵyttalǵan sharalardy aıtarlyqtaı nyǵaıtýǵa múmkindik beredi. Mazmundyq turǵydan ýákilge adam men azamattyń quqyqtary men bostandyqtarynyń buzylýy týraly aqparatty zerdeleý jáne taldaý, shaǵymdardy qaraý nátıjelerin jınaqtap qorytý fýnktsııasy júkteledi júkteledi. Bul onyń qyzmetine dáıektilik pen aldyn alý sıpatyn beredi», - dedi Senaty tóraǵasynyń orynbasary Asqar Shákirov.
Atap aıtqanda, zań jobasynda ýákildiń óńirdegi ókiliniń mártebesi men qyzmeti bekitiledi.
Ýákildiń mártebesine, onyń qyzmetiniń qaǵıdattaryna, ıaǵnı adam men azamattyń quqyqtary men bostandyqtarynyń múddesinde zańdylyq, ashyqtyq jáne táýelsizdik qaǵıdattaryna erekshe mán beriledi. Adam quqyqtary jónindegi ýákilge, onyń qylmystyq jaýaptylyǵyna nemese ákimshilik jaýapkershiligine qol suǵylmaýshylyq mártebesi beriledi. Osyǵan baılanysty ony jaýapkershilikke tartýdyń erekshe tártibi engiziledi.
Sondaı-aq, ýákil kýá retinde aıǵaqtar berýden bosatylady.
Ýákildiń zańdy qyzmetine aralasqany nemese kedergi keltirgeni úshin jaýaptylyq engiziledi . Adam quqyqtary jónindegi ýákil laýazymynda bolýǵa baılanysty talaptar men shekteýler kózdeledi.
Sonymen qatar, jalpy otyrysta «Qazaqstan Respýblıkasynyń keıbir zańnamalyq aktilerine QR Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly», «QR Ákimshilik quqyq buzýshylyq týraly kodeksine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha ózgerister men tolyqtyrýlar engizý týraly», «Salyq jáne bıýdjetke tólenetin basqa da mindetti tólemder týraly» QR kodeksine Qazaqstan Respýblıkasyndaǵy Adam quqyqtary jónindegi ýákil qyzmetiniń máseleleri boıynsha tolyqtyrý engizý týraly» zań jobalary da birinshi oqylymda maquldandy.
