Májilis 8 elde patent alýǵa múmkindik beretin zań jobasyn qabyldady
NUR-SULTAN. QazAqparat - Búgin Májilistiń jalpy otyrysynda «Eýrazııalyq patent konventsııasyna Ónerkásiptik úlgilerdi qorǵaý týraly hattamasyn ratıfıkatsııalaý týraly» zań jobasy maquldnady, dep habarlaıdy QazAqparat tilshisi.
«Sizderdiń nazarlaryńyzǵa «1994 jylǵy 9 qyrkúıektegi Eýrazııalyq patent konventsııasyna Ónerkásiptik úlgilerdi qorǵaý týraly hattamasyn ratıfıkatsııalaý týraly» Zań jobasyn qarastyrýǵa usynyp otyrmyz. Hattamada ónerkásiptik úlgilerge eýrazııalyq patentterdiń quqyqtyq qorǵaý erekshelikteri, áreket etý qaǵıdattary, ótinish berýshilerdiń, quqyq ıelenýshilerdiń quqyqtary men mindetteri, sondaı-aq Eýrazııalyq patent vedomstvosy júzege asyratyn mindettemeler men ýákilettikter kózdelgen. Atalǵan zań jobasy óńirlik patent júıesin jetildirý maqsatynda engizilip otyr», - dedi mınıstr.
Onyń atap ótýinshe, halyqaralyq patentteý kezinde ár memlekette jeke ótinim berý jáne jeke tólemderdi tóleý aıtarlyqtaı ákimshilik kedergi bolyp tabylady.
»Qazaqstandyq ótinim berýshiler úshin óńirlik júıeniń artyqshylyǵy – obektini segiz memlekette bir ýaqytta qorǵaý úshin Eýrazııalyq patent vedomstvosyna júginý múmkindigi. Bul júıe eýrazııalyq aýmaqta saýda jasaý barysynda ónerkásiptik úlgilerdi qorǵaýdyń deńgeıin arttyrýǵa jáne osy júıeniń múshe memleketteriniń ınvestıtsııalyq tartymdylyǵyn arttyrýǵa múmkindik beredi. Óńirlik patent Eýrazııalyq naryqqa baǵyttalǵan otandyq taýar óńdirýshileriniń múmkindikterin arttyrady», - dedi Marat Beketaev.
Hattamany ratıfıkatsııalaý nátıjesinde otandyq taýar óndirýshilerdiń ónerkásiptik úlgisine alǵan patenti Eýrazııalyq patentteý júıesine qatysýshy
8 memlekette naqty aıtqanda Armenııa, Ázerbaıjan, Belarýs, Qyrǵyz Respýblıkasy, Qazaqstan Respýblıkasy, Reseı Federatsııasy, Túrikmenstan jáne Tájikstan Respýblıkasynda qoldanyla alady.
