Májilis 2014-2016 jyldarǵa arnalǵan respýblıkalyq bıýdjet jobasyn maquldady

Ekonomıka jáne bıýdjettik josparlaý mınıstri Erbolat Dosaevtyń aıtýynsha, bıýdjet jobasyn qalyptastyrý áleýmettik-ekonomıkalyq damý boljamy jáne 2014-2018 jyldarǵa arnalǵan bıýdjettik paratmetrlerdiń bazalyq stsenarııi men álemdik kórsetkishterge negizdelgen. «Atap aıtqanda, 2014-2018 jyldary álemdik ekonomıkanyń 2014 jylǵy 3,8%-dan 2018 jylǵy 4,3%-ǵa deıin baıaý, alaıda údemeli ósýin boljaıdy. Munaıdyń baǵasy, sońǵy bes jyldaǵy ortasha baǵany eskere otyryp baǵalaý boıynsha 90 AQSh dollary deńgeıinde belgilendi. Mys baǵalarynan basqa, metall baǵalary eleýsiz ǵana ósedi dep boljanady», - deıdi Erbolat Dosaev. Mınıstrdiń aıtýynsha, úsh jyldyq bıýdjettiń negizgi parametrleri boıynsha, ekonomıkanyń naqty ósimi 6-7 paıyz aralyǵynda boljanady. Atalǵan kezeńdegi jyldyq ınflıatsııa 6-8 paıyz dálizinde ustalady.

Jalpy, bıýdjet jobasyna sáıkes, 2014 jylǵy túsimder 2013 jylǵy bıýdjetke qaraǵanda 532 mlrd. 312 mln. teńgege ósip, 5 trln. 760 mlrd. 700 mln. teńgeni quraıdy. Al 2015 jyly - 6 trln. 229 mlrd 600 mln, 2016 jyly - 6 trln. 873 mlrd. 400 mln. teńgeni quraıtyn bolady. Shyǵystarǵa kelsek, 2014 jyly 6 trln. 703 mlrd. 100 mln.teńgeni quraıtyn bolady. Bul kórsetkish 2015 jyly - 7 trln. 207 mlrd. 200 mln teńgeni, al 2016 jyly - 7 trln. 836 mlrd. 900 mln. teńgeni quraıdy. Al bıýdjat tapshylyǵy 2014 jyly 2014 jyly - 942,4 mlrd. teńgeni nemese ІJÓ-ge 2,4 paıyzdy, al 2015 jyly - 977,7 mlrd. teńgeni, 2016 jyly 963,5 mlrd. teńgeni quraıtyn bolady.

Zań jobasynyń ýaqytyly qabyldanýyna oraı, Úkimet basshysy Serik Ahmetov palata depýtattaryna alǵys aıtty. «Bıýdjet jobasynda Memleket basshysynyń Úkimetke júktegen barlyq tapsyrmalary, sonymen qatar, depýtattardyń, Esep komıtetiniń usynystary eskerildi», - dedi Premer-Mınıstr.

Májilis maquldaǵan zań jobasy Parlament Senatyna joldanady.