Májilis 2012-2014 jyldarǵa arnalǵan respýblıkalyq bıýdetke engizilgen ózgeristerdi maquldady
ASTANA. 29 aqpan. QazAqparat - Búgin Parlament Májilisiniń jalpy otyrysynda palata depýtattary «2012-2014 jyldarǵa arnalǵan respýblıkalyq bıýdjet týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań
jobasyn maquldady.
Engizilip otyrǵan ózgerister negizinen aǵymdaǵy jylda elimizdiń áleýmettik-ekonomıkalyq damýynyń makroekonomıkalyq kórsetkishterin naqtylaýmen jáne bıýdjettik baǵdarlamalar ákimshileriniń shyǵystaryn ońtaılandyrýǵa oraı qarajatty qaıta bólýmen baılanysty bolyp tabylady. Bul rette barlyq ózgerister Memleket basshysynyń aǵymdaǵy jylǵy Joldaýynda bergen tapsyrmalaryn iske asyrý bolyp tabylady. Nátıjesinde 2012 jylǵa arnalǵan respýblıkalyq bıýdjet kiristeri 306,1 mlrd. teńgege ulǵaıa otyryp, 3 trln. 615,8 mlrd. teńge somasynda aıqyndalady. Bıýdjet tapshylyǵy 21,3 mlrd. teńgege ulǵaıtylyp, 779,8 mlrd. teńgeni quraıdy. Salyqtyq emes túsimder 172,1 mlrd. teńgege ulǵaıady.
Sondaı-aq, respýblıka bıýdjetiniń shyǵystary 6 trln. 16,8 mlrd. teńge somasynda aıqyndaldy.
