Majdaı Ahmetov Pavlodar munaı-hımııa zaýytynyń bas dırektory bolyp taǵaıyndaldy
ASTANA. KAZINFORM – «Pavlodar munaı-hımııa zaýyty» JShS («PMHZ» JShS) jalǵyz qatysýshysy — «QazMunaıGaz» UK AQ sheshimimen zaýyttyń bas dırektory (Basqarma tóraǵasy) qyzmetine Majdaı Ahmetov taǵaıyndaldy.
Jańa bas dırektordy kásiporyn ujymyna «QazMunaıGaz» UK AQ Basqarma tóraǵasy Ashat Hasenov tanystyrdy.
M.Ahmetov eńbek jolyn 2010 jyly «PMHZ» JShS-de tehnologııalyq qondyryǵylar operatory bolyp bastady.
2010-2013 jj. – №3 tehnologııalyq tsehtyń kúkirt shıkizatyn absorbatsııalaý jáne gazben fraktsııalaý qondyrǵysynyń 4-razrıadty tehnologııalyq qondyrǵylar operatory
2013-2016 jj. – №3 tehnologııalyq tsehtyń óndiristi daıyndaý jónindegi ınjeneri.
2016-2017 jj. – munaıdy bastapqy óńdeý kesheniniń nafta splıtteri jáne ızomerleý qondyrǵysynyń 6-razrıadty tehnologııalyq qondyrǵylar operatory.
2017 j. qyrkúıek - jeltoqsan – jeńil munaı ónimderin óndirý kesheni ızomerleý jáne nafta splıtteri qondyrǵysynyń 6-razrıadty tehnologııalyq qondyrǵylar operatory.
2017-2018 jj. – jeńil munaı ónimderin óndirý kesheni/munaıdy bastapqy óńdeý óndirisiniń ızomerleý jáne nafta splıtteri qondyrǵysynyń bastyǵy.
2018-2019 jj. – munaıdy bastapqy óńdeý óndirisiniń operatsııalyq úılestirýshisi.
2019-2021 jj. – munaıdy bastapqy óńdeý óndirisiniń aǵa operatsııalyq úılestirýshisi.
2021-2022 jj. – jeńil munaı ónimderi óndirisiniń bastyǵy.
2022 – 2024 jj. – óndiris departamentiniń tehnıkalyq bólim bastyǵy – bas tehnolog.
2024 j.qazan – 2025 j. qantar – bas dırektordyń óndiris jónindegi orynbasary – bas ınjenerdiń mindetin atqarýshy.
Bul taǵaıyndaýǵa deıin «Pavlodar munaı-hımııa zaýyty» JShS bas dırektorynyń óndiris jónindegi orynbasary – bas ınjener qyzmetin atqardy.
QMG basshysy PMHZ-nyń jańa bas dırektoryna ónerkásiptik jáne ekologııalyq qaýipsizdiktiń barlyq talabyn saqtaı otyryp, zaýyttyń turaqty ári úzdiksiz jumysyn qamtamasyz etý, kásiporynnyń operatsııalyq tıimdiligin arttyrý, jeńil munaı ónimderin shyǵarý kólemin ulǵaıtý, sondaı-aq ınvestıtsııalyq jobalardy iske asyrý, sonyń ishinde dızel otynyn gıdrotazartý qondyrǵysyn rekonstrýktsııalaý jáne keńeıtilgen jóndeý aralyq kezeńge kóshý boıynsha naqty tapsyrmalar berdi.
«Pavlodar munaı-hımııa zaýyty» JShS-niń jalǵyz qatysýshysy — «QazMunaıGaz» UK AQ sheshimine sáıkes PMHZ-nyń burynǵy bas dırektory (Basqarma tóraǵasy) Qýanysh Erdáýletuly Bıshimovtiń ókilettigi toqtatyldy.
Aıta keteıik, QazMunaıGaz Atyraý munaı óńdeý zaýytynyń úlesin jekeshelendirý máselesine qatysty túsinikteme berdi.