Májbúrlep oryndaý komıteti quryldy — Ádilet mınıstrligi

ASTANA. KAZINFORM – Elimizde endi Májbúrlep oryndaý komıteti quryldy. Bul týraly OKQ alańynda ótken QR Ádilet mınıstrliginiń baspasóz konferentsııasynda aıtyldy.

Ádilet vıtse-mınıstri Danıel Vaısovtyń aıtýynsha, endi derbes vedomstvo azamattardyń buzylǵan quqyqtaryn qalpyna keltirý, onyń ishinde shaǵymdardy qaraý jáne olardy qabyldaýdy júzege asyrý barysynda jedel sheshim qabyldaýǵa quqyly.

«Komıtet vedomstvoaralyq yntymaqtastyqty júzege asyrýǵa, normatıvtik-quqyqtyq aktiler men ádistemelik quraldardy bekitýge, yntymaqtastyq týraly, onyń ishinde halyqaralyq uıymdarmen jáne t. b. memorandýmdar jasaýǵa quqyly», - dedi spıker OKQ alańynda ótken baspasóz konferentsııasynda.