Majarstannyń Sombathe qalasynda kadetter arasyndaǵy erkin jáne grek-rım kúresinen birinshi chempıonat bastaldy
ASTANA. 24 tamyz. QazAqparat - Majarstannyń Sombathe qalasynda keshe, 23-shi tamyz kúni kadetter arasyndaǵy erkin, grek-rım stılindegi kúres pen osy sport túrlerinen qyzdar arasyndaǵy kúresten birinshi chempıonat bastaldy. Bul týraly Astana qalalyq Dene shynyqtyrý jáne sport basqarmasy habarlaıdy.
Basqarmanyń málimetterine qaraǵanda, halyqaralyq FILA federatsııasy ótken jyly Sıngapýr qalasynda ótken Jasóspirimder arasyndaǵy olımpıada oıyndarynan soń óziniń kúntizbesine 15-16
jas aralyǵyndaǵy sportshylar arasynda ótetin álem birinshiligin engizýdi jón sanapty. Qazirgi tańda atalmysh sport túrine qyzyǵýshylyq óte joǵary. Sporttyq básekege 50 eldiń ókiliniń qatysýǵa nıet bildirýi osynyń aıǵaǵy. Qazaqstandyqtar ol básekege barlyq kúres túrlerinen barlyq salmaq dárejeleri boıynsha qatysady.
23-shi tamyzda alǵashqy marapattaýlar «báıgege» salynǵan bolatyn. Alǵashqylardyń biri bolyp, 42-50-58-69-85 keli salmaqtaǵy erkin kúres palýandary shyqty. Qazaqstan quramasynyń qorjynyna alǵashqy júlde - kúmis medaldy 42 keli salmaq boıynsha kúresken Azamat Toıbek saldy. Ekinshi qola medaldy 69 kelide saıysqa túsken Azamat Dáýletbekov aldy. Al 50 keli salmaqta kúresken Qýat Ámirtaev pen 58 keli tartatyn Madııar Býrhan jáne Baqdáýlet Álmentaı jarystan tys qaldy. Búgin, 24-shi tamyz kúni kilemge ózge salmaqtaǵy palýandar shyǵady. Qazaqstan quramasynan búgin 46 salmaqtaǵy Vladımır Kýdrın, 54 salmaqtaǵy Quralbek Omarbekov, 63 kelidegi Іlııas Jumaı, 76 kelidegi Ákbar Elýbaıuly óner kórsetedi. Al qyzdar arasynda ótetin fınaldyq jarys 25-26 tamyz kúnderi ótedi. Sondaı-aq 27-28 tamyz kúnderi grek-rım stılindegi kúrestiń jeńimpazdary anyqtalady.
