Majarstannyń burynǵy úkimetine qatysty jemqorlyq derekteri tekserilip jatyr

ASTANA. KAZINFORM — Majarstannyń jańa bıligi burynǵy premer-mınıstr Vıktor Orban úkimetiniń múshelerin jemqorlyq jáne ekonomıkalyq qylmystarǵa qatysy bar dep kúdiktenip otyr. Bul týraly TASS agenttigi jazdy.

Orban
Foto: Dmıtrıı Azarov, Kommersant

Bul jóninde Majarstan premer-mınıstri Peter Madıar el parlamentinde sóılegen sózinde málimdedi.

Onyń aıtýynsha, úkimet aýysqaly beri quqyq qorǵaý organdaryna memleket qarjysyn paıdalanýǵa qatysty 64 is boıynsha aryz túsken. Olardyń jalpy somasy 4 trln forıntten asady (shamamen 5,38 trln teńge). Qazirdiń ózinde 24 is boıynsha tergeý bastalǵan, qalǵandary boıynsha tekserý jalǵasyp jatyr.

Atap aıtqanda, aýyldyq eldi mekenderdi damytý baǵdarlamalaryna, elektrondy jer kadastryn qurýǵa, jedel járdem kólikteri men pandemııa kezinde ókpeni jasandy jeldetý apparattaryn satyp alýǵa bólingen bıýdjet qarajatynyń zańsyz jumsalǵany tekserilip jatyr.

Budan bólek, Mysyrǵa arnalǵan temirjol vagondaryn jasaý, avtomobıl joldaryn kontsessııaǵa berý jáne burynǵy bıliktiń tapsyrysy boıynsha buqaralyq aqparat quraldaryn baqylaý jobalary da tekserilip jatyr.

Eske salaıyq, buǵan deıin Peter Madıar Majarstannyń jańa premer-mınıstri bolǵanyn habarlaǵan edik.