Majarstandaǵy týrnırdiń jartylaı fınalyna ótken qazaqstandyq boksshylar anyqtaldy

Debretsen. QazAqparat – Majarstannyń Debretsen qalasynda ótip jatqan bokstan Ishtvan Boshkaı memorıalynda jartylaı fınalǵa joldama alǵan boksshylar belgili boldy dep habarlaıdy QazAqparat Olympic.kz silteme jasap.

52 kelide synǵa túsken Mahmud Sabyrhan ıspanııalyq Martın Molınany utyp, 1/2 aınalymǵa ótti. Sondaı-aq, Aıdos Arapov shırek fınalda Italııa ókili Djanlýka Rýssony jeńdi. 69 kelidegi Talǵat Shaıken taǵy bir ıtalııalyq sportshy Djanlýka Malanıdi utty. Aǵaıyndy Nurbek jáne Aıbek Oralbaılar da týrnırdiń jartylaı fınalynda judyryqtasady. 81 kelidegi Nurbek Oralbaı reseılik Rasýl Álıevten, 91 kelidegi Aıbek Oralbaı ıspanııalyq Emanýeel Reıesten basym tústi.

Al, asa aýyr salmaqtaǵy Damır Toıbaı aýstrııalyq boksshyny jeńip, kelesi kezeńge ótti. Jartylaı fınal básekeleri 6 aqpanda, fınaldyq jekpe-jekter 7 aqpanda uıymdastyrylmaq.