Majarstandaǵy týrnırde Serik Temirjanov ózbek boksshysynan basym tústi

ASTANA. QazAqparat - Majarstannyń Debretsen qalasynda ótip jatqan bokstan halyqaralyq týrnırde qazaqstandyq Serik Temirjanov fınalǵa shyqty, dep habarlaıdy QazAqparat tilshisi.

Halyqaralyq týrnırde Serik Temirjanov (57 keli) jartylaı fınalda ózbekstandyq Samandar Holmýradovpen qolǵap túıistirgen edi.

Jekpe-jek barysynda Seriktiń basymdyǵy baıqalyp turdy. Sharshy alań tórinde qazaqstandyq boksshy shıraq qımyldady. Nátıjesinde tóreshiler sheshimimen jeńis Serik Temirjanovqa berildi. Ol fınalǵa joldama aldy.

Aıta ketsek, budan buryn Temirtas Júsipov (48 keli) pen Dýlat Bekbaýov (67 keli) fınalǵa shyqqan edi.

El quramasynan jartylaı fınalda Damır Ábdiqadyr (51 keli), Damır Toıbaı (92 keliden joǵary) qarsylastaryna ese jiberdi.

Sondaı-aq, el quramasynan Nurbek Oralbaı 80 (keli) 1/4 fınalda ýkraın boksshysy Aleksandr Hıjnıakke jol berip qoıdy.

Qazaqstandyq bapkerler atalǵan týrnırge el quramasy sapynda 13 boksshyny alyp bardy.

Foto: sports.kz