Majarstandaǵy halyqaralyq týrnırde Temirtas Júsipov ózbek boksshysyn jeńdi

ASTANA. QazAqparat - Majarstannyń Debretsen qalasynda ótip jatqan Ishtvan Bochkaıdi eske alýǵa arnalǵan bokstan halyqaralyq týrnırde qazaqstandyq taǵy bir boksshy jartylaı fınalǵa shyqty, dep habarlaıdy QazAqparat tilshisi.

Qazaqstandyq Temirtas Júsipov shırek fınalda 48 keli salmaqta Donıer Bekmýrodovpen sheberlik baıqasqan edi.

Jekpe-jekte tóreshiler sheshimimen Temirtas Júsipov jeńimpaz boldy.

Nátıjesinde ol jartylaı fınalǵa joldama aldy. Ol kem degende qola júldege qol jetkize alady.

Aıta ketsek, Temirtas Júsipov - elimizdiń alty dúrkin chempıony.

2021 jyly álem chempıonatynda jeńimpaz tuǵyryna kóterilse, 2013 jyly Azııa chempıonatynda altynnan alqa taqty.

Qazaqstandyq bapkerler atalǵan týrnırge el quramasy sapynda 13 boksshyny alyp bardy.

Eske salsaq, budan buryn mundaı múmkindikke Damır Ábdiqadyr (51 keli) ıe bolǵan edi.

Al el quramasynan Nurbek Oralbaı 80 (keli) 1/4 fınalda ýkraınskım bokserom Aleksandr Hıjnıakke jol berip qoıdy.

Foto: sports.kz