Majarstandaǵy parlamenttik saılaýda halyqtyń joǵary belsendiligi baıqaldy

ASTANA. KAZINFORM – Búgin Majarstanda bir palataly parlament saılaýy ótip jatyr, dep habarlaıdy Kazinform tilshisi. 

Azamattar Memlekettik Assambleıanyń 199 depýtatyn saılaýǵa qatysady dep kútilip otyr. Daýys berý jergilikti ýaqyt boıynsha tańǵy 7:00-de bastalyp, 19:00-de (Astana ýaqytymen 22:00) aıaqtalady.

Býdapesht ýaqyty boıynsha saǵat 15:00-degi málimetke sáıkes, saılaýshylardyń 66 paıyzy daýys berdi. Bul kórsetkish Majarstannyń qazirgi zaman tarıhynda eń joǵary deńgeı sanalady.

Atalmysh saılaý premer-mınıstr Vıktor Orbannyń syrtqy saıasaty men Eýropalyq Odaqpen qarym-qatynasyna baılanysty Eýropa qoǵamdastyǵynyń nazarynda tur.

Qoǵamdyq pikir saýalnamalary boıynsha negizgi báseke Orban basqaratyn «Fıdes-KDNP» koalıtsııasy men oppozıtsııalyq «Tısa» («Syılastyq pen bostandyq») partııasy jáne onyń jetekshisi Petr Madıar arasynda ótedi. Saılaýdyń nátıjesi eldiń ishki jáne syrtqy saıasatyna yqpal etýi múmkin.

Eske sala keteıik, osyǵan deıin Majarstanda parlamenttik saılaý ótip jatqanyn habarlaǵan edik.