Majarstanda jańa prezıdent saılandy

BÝDAPEShT. KAZINFORM – Majarstan parlamenti Konstıtýtsııalyq sotynyń tóraǵasy Tamash Shýıokty respýblıkanyń jańa prezıdenti etip saılady. Bul týraly Anadolu Ajansi agenttigi jazdy.

Shýıoktyń kandıdatýrasyna 134 depýtat daýys berse, bes depýtat qarsy boldy.

Shýıok zań keńesshisi, zańger jáne Avstrııanyń qurmetti konsýly bolǵan. Ol 10 jyl boıy Konstıtýtsııalyq sottyń múshesi, 2016 jyldan beri onyń tóraǵasy qyzmetin atqaryp keledi.

10 aqpanda Majarstannyń burynǵy prezıdenti Katalın Novak jetimder úıindegi jynystyq zorlyq-zombylyq isin jasyrdy dep aıyptalǵan er adamnyń keshirilýine qatysty janjaldan keıin otstavkaǵa ketetinin málimdedi. Onyń ornyna Shýıok otyrdy.

Anyqtama úshin, Majarstan Prezıdenti – barlyq vengrlerdi biriktirýge tıis saıası qaıratker jáne el azamattary onyń basty rólin osydan kóredi. Sonymen birge onyń ókilettigi aıtarlyqtaı shekteýli (zańdarǵa qol qoıady, saılaý merzimin belgileıdi, sýdıalardy taǵaıyndaıdy jáne t.b.). Majarstan - parlamenttik respýblıka, onda negizgi bılik premer-mınıstr men úkimettiń qolynda.