Majarstanda týý kórsetkishi kúrt tómendedi

ASTANA. KAZINFORM — Majarstannyń Ortalyq statıstıkalyq basqarmasynyń málimetterine sáıkes, bıyl sáýir aıynda elde týý jáne nekelesý kórsetkishteri kúrt tómendegen, dep jazady AZERTADJ.

Sonymen qatar, ólim sany ótken jyldyń osy aıymen salystyrǵanda azdap qysqarǵan.

2025 jyldyń sáýirinde Majarstanda 5 323 sábı dúnıege kelgen, bul 2024 jyldyń sáýirimen salystyrǵanda 14 paıyzǵa az (852 balaǵa kem). Al qaıtys bolǵandar sany — 9 565 adam, bul ótken jylmen salystyrǵanda 2,3 paıyzǵa az (228 ólimge kem). Sonyń nátıjesinde tabıǵı ósim teris kórsetkishke ıe bolyp, ıaǵnı qaıtys bolǵandar sany týǵandar sanynan 4 242 adamǵa kóp boldy (ótken jyly bul aıyrmashylyq 3 618 adam bolǵan).

Eldegi nekelesý sany da azaıdy: sáýir aıynda 3 488 jup úılengen, bul ótken jylmen salystyrǵanda 5,4 paıyzǵa tómen (200 neke az).

2025 jyldyń alǵashqy tórt aıynda Majarstanda 23 301 sábı dúnıege keldi, bul ótken jyldyń osy kezeńimen salystyrǵanda 8,7 paıyzǵa az (2 216 balaǵa kem).

Aılar boıynsha:

• qańtarda týý kórsetkishi 4,1 paıyzǵa,

• aqpanda jáne naýryzda — 8,6 paıyzǵa,

• sáýirde — 14 paıyzǵa tómendegen.

2025 jyldyń alǵashqy tórt aıynda 45 079 adam qaıtys boldy, bul ótken jyldyń sáıkes kezeńimen salystyrǵanda 3,5 paıyzǵa artyq (1 525 ólimge kóp).

Aı saıynǵy málimetterge saı:

• qańtarda ólim-jitim 7,8 paıyzǵa artqan,

• aqpanda — 0,6 paıyzǵa,

• naýryzda — 7 paıyzǵa,

• al sáýirde 2,3 paıyzǵa tómendegen.

Majarstandaǵy nekelesý jaǵynan:

• qańtarda úılený sany 4,4 paıyzǵa tómendegen,

• aqpanda — 14 paıyzǵa,

• naýryzda jáne sáýirde — 3,9 paıyzǵa.

Jalpy, alǵashqy tórt aıda Majarstanda 10 101 jup nekege turǵan, bul ótken jyldyń sáıkes kezeńimen salystyrǵanda 6,1 paıyzǵa az (653 neke az).

Budan buryn Majarstan EO Sotyna shaǵym túsirip, mıgranttardy qabyldaýdan bas tartqany úshin salynǵan aıyppuldy joıýdy talap etti.