Majarstanda túrki memleketteri uıymynyń beıresmı sammıti ótedi

ASTANA. KAZINFORM – Qazaqstan Býdapeshtte ótetin túrki memleketteri uıymynyń beıresmı sammıtin uıymdastyrýǵa belsendi qatysýǵa daıyn. Bul týraly QR Premer-mınıstriniń orynbasary – Syrtqy ister mınıstri Murat Nurtileý málim etti.

- Búginge kezdesýde Birikken ulttar uıymy, Eýropadaǵy qaýipsizdik jáne yntymaqtastyq uıymdary, basqa da kópjaqty qurylymdar aıasyndaǵy ózara is-áreket keleshegi týraly da pikir almastyq. Sonyń ishinde BUU-nyń balamasyz, biregeı kópjaqty ınstıtýt retinde bedelin arttyrý jáne ony reformalaý tóńireginde áńgime qurdyq. Osy tusta Majarstan Túrki memleketteri uıymynyń belgili ári belsendi qatysýshysy ekenin de jeke atap ótkim keledi. Eýropa keńistiginde alǵash ret ótetin osy uıymnyń Býdapeshttegi beıresmı sammıti tutas túrki elderiniń yqpaldastyǵyn arttyrýǵa zor múmkindik týǵyzbaq, - dedi Murat Nurtileý BAQ ókilderiniń aldynda málimdeme jasaı otyryp.

Sondaı-aq mınıstr Qazaqstannyń Býdapeshtte ótetin túrki memleketteri uıymynyń beıresmı sammıtin uıymdastyrýǵa daıyn ekenin jáne belsendi qatysatynyn aıtty.

- Sóz sońynda áriptesim Peter Sıııarto myrzaǵa ashyq ári ózara qoldaý rýhynda ótken konstrýktıvti kelissózder úshin taǵy da alǵys aıtamyn. Baýyrlas majar halqyna yntymaq pen qut-bereke tileımin. Al qazaq-majar dostyǵy baıandy bolsyn!, - dep qorytyndylady Syrtqy ister mınıstri.

Aıta keteıik, búgin Majarstannyń Syrtqy ekonomıkalyq baılanystar jáne syrtqy ister mınıstri Peter Sıııarto elordaǵa resmı saparmen keldi.

Belgili bolǵandaı Majarstannyń prezıdenti Tamash Shýıok jáne Parlament spıkeri Laslo Keverdiń Qazaqstanǵa resmı saparpen keledi. 

Odan bólek, QR Premer-mınıstriniń orynbasary — Syrtqy ister mınıstri Murat Nurtileý Taıaý Shyǵystaǵy jaǵdaıǵa alańdaýshylyq tanytty. 

Sondaı- aq Murat Nurtileý Reseı men Ýkraına arasyndaǵy qaqtyǵystyń ońaılyqpen sheshilmeıtinin aıtty. 

Kezdesý barysynda Qazaqstanda majar bankteriniń fılıaly ashylatyny aıtyldy.