Majarstanda sáýirde parlament saılaýy ótedi
ASTANA. KAZINFORM — Majarstanda jańa úkimetti quratyn parlament saılaýy 12 sáýirde ótetini belgili boldy, dep habarlaıdy TASS agenttigi.
Bul týraly Majarstan prezıdenti Tamash Shýıok málimdedi.
— Konstıtýtsııa men saılaý týraly zańǵa sáıkes, men 2026 jyly Majarstan Ulttyq jınalysynyń depýtattaryn saılaý týraly sheshim qabyldadym. Daýys berý 2026 jylǵy 12 sáýir, jeksenbi kúni ótedi. Demokratııanyń negizgi qaǵıdalarynyń biri — erkin saılaý quqyǵy. Barshańyzdy osy quqyqty paıdalaný úshin shaqyramyn, — delingen Prezıdenttiń baspasóz qyzmeti taratqan habarlamada.
Budan buryn Qazaqstan men Majarstan halyqaralyq deńgeıde birlese jumys isteýge keliskenin jazǵan edik.
Sondaı-aq, Qazaqstan men Majarstan energetıka, atom ónerkásibi, aýyl sharýashylyǵy sııaqty túrli baǵyttaǵy yqpaldastyqty arttyrýǵa ýaǵdalasty.