Majarstanda oqýshylar qaıtadan mektepten oqı bastady

BÝDAPEShT. QazAqparat – Majarstanda baslabaqsha men bastaýysh synyp mektepteri qaıta ashylady. Osyndaı sheshim qabyldaǵan bılik vaktsınatsııa naýqanynyń sátti ótkenin málim etti, dep habarlaıdy QazAqparat Euronews-ke silteme jasap.

Barlyq synypqa qosymsha dzınfektsııalaý jumysy júrgizildi, mekteptiń kireberisinde balalardyń dene qyzýy ólshenedi, olardyń qoly dezınfektsııalyq eritindimen súrtiledi. Býdapeshttegi osyndaı mekteptiń birinde barlyq muǵalim jumysqa, al oqýshylardyń tórtten úshten astamy mektepke oraldy.

Biraq basqa mektepte árbir besinshi oqýshy sabaqqa kelgen. Muǵalimderdiń aıtýynsha, ata-analardyń kópshiligi qashyqtan oqytýdy jón kóredi. Óıtkeni ol osy mektepte jaqsy uıymdastyrylǵan.

Qazirgi ýaqytta 200 myń majarstandyq muǵalim vaktsınatsııadan ótti. Úkimet bul sabaqty qaıta bastaý úshin jetkilikti dep sanaıdy. Biraq muǵalimder kásipodaǵy aýrý juqtyrýdyń jańa jaǵdaılarynyń sany kúnine 1 400 adamǵa jetkenshe mektepter jabyq kúıde bolýyn talap etedi.

Qazir Majarstanda kún saıyn koronavırýsqa shaldyǵýdyń 2 600-ge jýyq jańa jaǵdaıy tirkelýde. Kásipodaq sonymen qatar úkimetten ata-analarǵa balalary aýrý juqtyrady dep qoryqqan jaǵdaıda olardy mektepke jibermeý quqyǵyn berýdi suraıdy.