Majarstanda kóktem merekesi - Naýryz toılandy

NUR-SULTAN. QazAqparat - 22 naýryz kúni Býdapeshtte Qazaqstannyń Majarstandaǵy Elshiligi men «Bars» Qazaqstan-Majar qory birlesip, Naýryz merekesine oraı saltanatty is-shara ótkizdi. Bul týraly elshilikke silteme jasap QazAqparat habarlaıdy.

Atalǵan is-sharaǵa Majarstandaǵy dıplomatııalyq korpýs ókilderi, qoǵamdyq-saıası, mádenı jáne isker toptardyń ókilderi, qazaq dıasporasy men stýdentter, sondaı-aq majar qypshaqtary qatysty.

Qazaqstannyń Majarstandaǵy Elshisi Nurbah Rústemov «Naýryz» meıramynyń tarıhyna toqtalyp, bizdiń baı rýhanı muramyzdyń jarqyn belgisi retinde elimizde qalaı atalyp ótetinin qonaqtarǵa aıtyp berdi.

Qazaq mádenıetine qyzyǵatyn majar jáne qazaq jastary Uly Dala sazyn oryndap, qonaqtar qoshemetine bólendi.