Majarstanda Qazaqstan táýelsizdiginiń 30 jyldyǵyna arnalǵan poshta markasy shyǵaryldy

BÝDAPEShT. QazAqparat - Qazaqstan Respýblıkasynyń Majarstandaǵy Elshiligi Majarstan poshtasymen birlesip jáne Qurmetti konsýldyń qoldaýymen Qazaqstan táýelsizdiginiń 30 jyldyǵyna oraı mereıtoılyq poshta markasyn shyǵardy, dep habarlaıdy QazAqparat QR SІM baspasóz qyzmetine silteme jasap.

Majarstannyń poshta markasynda Qazaqstan táýelsizdiginiń 30 jyldyǵynyń logotıpi beınelengen. Poshta markalary elshiliktiń kúndelikti hat-habarlarynda, sondaı-aq kádesyı retinde paıdalanady.

Alǵashqy mereıtoılyq markalar Majarstan Úkimeti, ǵylym jáne mádenıet ókilderine, qoǵam qaıratkerlerine, sondaı-aq jergilikti kollektsıonerlerge, ıaǵnı fılatelısterge tabys etiledi.

Qazaqstan Elshiligi bastamashy bolǵan markanyń shyǵarylymyn iske asyrý kezinde fılatelııa qaǵıdattary men Majarstan poshtasynyń standarttary eskerildi.