Majarstanda qala syrtyndaǵy turǵyn úılerge suranys artty

ASTANA. KAZINFORM — Majarstan astanasy Býdapeshttiń jyljymaıtyn múlik naryǵynda aıtarlyqtaı ózgerister baıqalyp jatyr, dep habarlaıdy AZERTADJ.

Mamandar qaladaǵy, ásirese ortalyq aýdandardaǵy páterlerge suranystyń azaıýyn tirkep otyr, al qala syrtyndaǵy jyljymaıtyn múlikke degen qyzyǵýshylyq artyp keledi.

Býdapeshttegi páterlerdiń baǵasy tómendep jatyr. Bul usynystyń artyq bolýy men satyp alýshylardyń azdyǵymen baılanysty. Qala turǵyndary kóbirek qala mańyna jáne kól jaǵalaýlaryna kóship jatyr, munda suranys pen baǵa ósimi baıqalady.

Býdapesht ortalyǵyndaǵy standartty páterler tanymaldylyǵyn joǵaltyp jatsa, kerisinshe qala syrtyndaǵy turǵyn úılerdiń mańyzy artqan.

Analıtıkter negizgi sebepter retinde qalada ómir súrý shyǵyndarynyń ósýin, pandemııadan keıin basymdyqtardyń ózgerýin, kólik ınfraqurylymynyń jaqsarýyn jáne qashyqtan jumys isteý múmkindiginiń damýyn ataıdy. Satyp alýshylar keńdik pen tynyshtyqty izdep, qala syrtyndaǵy turǵyn úılerge bet burǵan.

Aldaǵy aılarda bul tendentsııa saqtalady dep kútiledi Býdapeshttegi páterlerdiń baǵasy birtindep tómendeı beredi, al qala mańyna degen qyzyǵýshylyq turaqty túrde ósedi.

Budan buryn bıyl Majarstanda jemis-jıdek daqyldarynyń túsimi kúrt tómendep, bul baǵanyń ósýi men eksport kóleminiń azaıýyna sebep bolǵanyn jazǵanbyz.