Majarstanda Astananyń 20 jyldyǵyna oraı fotokórme ashyldy

BÝGATs. QazAqparat - Halyqaralyq «Turan» halyqtar quryltaıynyń aıasynda respýblıkalyq «Egemen Qazaqstan» gazeti men «QazAqparat» HAA qoldaýymen Qazaqstannyń Vengrııadaǵy Elshiligi uıymdastyrǵan «Uly dala rýhy» fotokórmesi ashyldy.

Kórmeni Aqtóbe oblysynyń ákimi Berdibek Saparbaev pen Majarstan parlamentiniń vıtse-spıkeri Shandor Lejak baryp tamashalady.
«Egemen Qazaqstan» gazeti men «QazAqparat» HAA-nyń fototilshileri usynǵan týyndylar quryltaı qatysýshylarynyń erekshe nazaryn aýdardy.

Kórmede qonaqtarǵa Qazaqstannyń baı tarıhy men búgingi qaıtalanbas kelbetinen syr shertetin 30 fotosýret usynyldy. Olardy bilikti fototilshiler - Erlan Omarov, Muhtar Holdorbekov, Vıktor Fedıýnın, Aleksandr Pavskıı jáne Ilzat Safargalıevter túsirgen.