Majarstanda AES salynǵan kezde sol aýmaqtaǵy shegirtke men kesirtkeler kóshiriledi
ASTANA. QazAqparat - Majarstannyń Tolna aımaǵynda 2018 jyly «PAKSh» AES-i salynady. Jańa eneregııa bloktarynyń qurylysy kezinde elde qabyldanǵan erekshe ekologııalyq talaptardy saqtaý kerek, dep habarlaıdy newsru.com .
Jobanyń bekitilgen ekologııalyq lıtsenzııasy atom stansasyn salýǵa qatysýshylardan haıýanattar men ósimdikter túrin saqtaýǵa erekshe mán berýdi talap etedi.
Bekitilgen qurylys alańynyń asa mańyzdy tabıǵı qundylyǵy bolmasa da qajet bolǵan jaǵdaıda qorǵalatyn túrlerdi tolyqtaı basqa aýmaqqa kóshirý jóninde sheshim qabyldany múmkin. Olardyń qataryna boz seleý (Stipa pennata), bozkilem (Sedum telephium), sonymen qatar - majar shegirtkesi, eýropalyq jasyl kesirtke de kiredi.
Qajet dep tabylsa atalmysh ósimdik pen jándikter arnaıy qorshalǵan aýmaqqa qonystandyrylyp, stansa salynyp bitken soń óz jerlerine keri qaıtarylady.
