Majarstan tutynatyn munaıdyń 16 paıyzy Qazaqstannan keledi – Peter Sııarto

NUR-SULTAN. QazAqparat – Majarstannyń syrtqy ekonomıkalyq baılanystar jáne syrtqy ister mınıstri Peter Sııarto óz eliniń Qazaqstannan alatyn munaı kólemin arttyrǵanyn málim etti, dep habarlaıdy QazAqparat tilshisi.

Majarstannyń syrtqy ekonomıkalyq baılanystar jáne syrtqy ister mınıstri Peter Sııarto Qazaqstanǵa jumys sapary barysynda QR Premer-Mınıstriniń orynbasary – Syrtqy ister mınıstri Muhtar Tileýberdimen birge BAQ ókilderiniń aldyna shyǵyp, suraqtarǵa jaýap berdi.

«Bizdegi qajettiliktiń 65%-yn Reseı munaıy jaýyp otyr. Bul biz osylaı oılastyrǵandyqtan jasalǵan nárse emes. Majarstandy energııamen qamtamasyz etýdiń jalǵyz fızıkalyq joly osy bolyp tur. ıAǵnı, munaı qubyryn salý óte qymbat ári óte kóp ýaqytty qajet etedi. Osynyń bárin eskergendikten qajetti munaıdyń 65 paıyzyn «Drýjba» munaı qubyry arqyly alyp otyrmyz. Bul - kún saıyn 20 myń tonna munaı degen sóz», - dedi Peter Sııarto.

Sondaı-aq, ol munaı ımportynda Qazaqstannyń úlesi artqanyn atap ótti.

«Keıingi kezde Qazaqstannan munaı satyp alý kólemin de kóbeıttik. Qazirgi tańda biz tutynatyn munaıdyń 16%-y Qazaqstannan keledi. Bul kólem de Reseı arqyly biriktirilgen munaı qubyrymen jetedi. Bul másele túbegeıli ulttyq múddemizge saı qaralyp jatqanyn atap ótkim keledi. Bul týraly Batystyń nemese Shyǵystyń ne oılaıtyny mańyzdy emes. Biz úshin jalǵyz másele mańyzdy, ol – Majarstandy energııamen qamtamasyz etý. Bul iske qater tónbeýi kerek. Eshkim majar halqynyń Ýkraınadaǵy shıelenis úshin qaltasynan qun tólegenin talap ete almaıdy», - dedi Majarstan ókili.

Buǵan deıin Qazaqstannyń Majarstanǵa eksporttaıtyn ónim quny 15,4 mln dollar ekenin jazǵan edik.