Majarstan týrnıri: Aıbek Oralbaı nemis boksshysyn nokaýtqa túsirdi

ASTANA. QazAqparat - Majarstannyń Debretsen qalasynda ótip jatqan bokstan halyqaralyq týrnırde qazaqstandyq Aıbek Oralbaı qarsylasyn nokaýtpen jeńdi, dep habarlaıdy QazAqparat tilshisi.

Ishtvan Bochkaıdi eske alýǵa arnalǵan jarysta 92 keli salmaqta synǵa túsken A.Oralbaı nemis boksshysy Aleksandr Okarovpen kezdesken edi. Jekpe-jek barysynda Aıbek qarsylasynan basym ekenin kórsetip, nokaýtqa túsirdi. Osylaısha jartylaı fınalǵa joldama aldy.

Aıta ketsek, budan buryn jartylaı fınalǵa Damır Ábdiqadyr (51 keli) men Temirtas Júsipov (48 keli) joldama alǵan edi.

Al el quramasynan Nurbek Oralbaı 80 (keli) 1/4 fınalda ýkraın boksshysy Aleksandr Hıjnıakke jol berip qoıdy.

Qazaqstandyq bapkerler atalǵan týrnırge el quramasy sapynda 13 boksshyny alyp bardy.

Vıdeodan alynǵan kadr