Majarstan týrızm salasynda qazaqstandyq stýdentterge oqý grantyn kóbeıtedi
ASTANA. QazAqparat - Majarstan úkimeti týrızm salasy boıynsha qazaqstandyq stýdentterge oqý grantyn kóbeıtýi múmkin, dep habarlaıdy QazAqparat tilshisi Qazaqstandaǵy Vengrııanyń Tótenshe jáne Ókiletti elshisi Baranı Andrashqa silteme jasap.
Buǵan deıin osy el úkimetiniń qazaqstandyq stýdentter úshin 200 grant bóletini habarlanǵan edi.
"Bıyl eki el arasynda bilim berý salasyndaǵy yntymaqtastyq týraly kelisimniń merzimi aıaqtalady jáne Kelisimniń jańa mátinin ázirleý boıynsha kelissózder ótedi. Onda qazaqstandyq taraptyń belgili bir mamandyqtar boıynsha stıpendııa sanyn kóbeıtý týraly ótinishi eskeriledi. ıAǵnı, Qazaqstan belgili bir baǵyttar boıynsha stıpendııa sanyn kóbeıtkisi kelse, mindetti túrde maquldaımyz. Onyń ishinde týrızm salasy da bar", - dedi Majarstan Tótenshe jáne Ókiletti elshisi Baranı Andrash
Brıfıng barysynda B. Andrash bilim berý boıynsha Qazaqstan men Majarstan arasyndaǵy yntymaqtastyqtyń 2013 jyly bastalǵanyn eske saldy. Aradaǵy Kelisimge sáıkes, majarstandyq tarap qazaqstandyq stýdentter úshin 45 grant (bakalavrıat - 20, magıstratýra - 20, doktorantýra - 5) bólgen bolatyn. Óz kezeginde Qazaqstan da seriktes el stýdentteri úshin 45 grant bóldi.
Aıta ketken jón, 2014 jyly Stýdenttermen balamaly almasý baǵdarlamasy bastalǵan bolatyn.
Al 2016 jyly majarstandyq tarap usynysymen kelisimge ózgerister engizilip, grant sany 45-ten 200-ge kóbeıtildi. ıAǵnı, 2017 jyldan bastap, Majarstan Úkimeti tarapynan Qazaqstan azamattaryna 200 tolyq grant (bakalavrıat - 90, magıstratýra - 90, doktorantýra - 20) bólinip keledi. Qazaqstandyq tarap bóletin grant kólemi (45 grant) ózgerissiz qaldy.
B. Andrashtyń aıtýynsha, majarstandyq grant tegin oqýdy, aı saıynǵy shákirtaqyny (bakalavrıat - 130 eýro, doktorantýra - 450 eýro), jataqhana nemese jaldanǵan páteraqy qunyn (shamamen 130 eýro) jáne medıtsınalyq saqtandyrýdy qamtıdy. Bıyl Majarstan bóletin 200 grantqa myńnan astam qazaqstandyq stýdentter ótinim bergen.
QR Bilim jáne ǵylym vıtse-mınıstri Ashat Aımaǵambetovtyń aıtýynsha, mınıstrlik grant bólý protsesine qatyspaıdy, qujat jınaý, ótinim berý syndy ákimshilik jumystarmen ǵana aınalysady. Stıpendııaǵa laıyqty stýdentterdi depýtattar men qoǵam qaıratkerlerinen, Majarstan elshiligi qyzmetkerlerinen quralǵan qoǵamdyq komıssııa irikteıdi.
Foto: eurasia.expert
