Majarstan shekarasynda kúzet kúsheıtildi
NUR-SULTAN. QazAqparat – Sońǵy kezde Majarstan shekarasynan zańsyz ótpek bolǵan mıgranttar sany kúrt ósti, dep habarlaıdy QazAqparat Euronews-ke silteme jasap.
Eldiń ІІM-niń málimdeýinshe, polıtsııa men áskerı qyzmetkerler ótken demalys kúnderi 860-qa jýyq tártip buzýshyny ustaǵan.
Tártip saqshylary Majarstan-Serbııa shekarasynda qorshaýdan ótip ketpek bolǵan 20 mıgrantty qamaýǵa aldy. Olardyń biri kózden jas aǵyzatyn gaz qoldanǵan. Sol ýaqytta Tısa ózeni mańynda patrýl eshqandaı qujaty joq 65 sırııalyqty, al Gara aýylynyń janynda – 14 aýǵandyqty anyqtaǵan.
Ótken aptada shekarashylar 2 myńnan astam zańsyz mıgrantty ustady. Bul osy jazdaǵy rekord nátıje boldy.
Sondaı-aq Rýmynııa, Horvatııa, Ýkraınamen shekarada jáne eldiń ishinde adam kontrabandasymen aınalysty degen kúdikke ilingen ondaǵan adam ustaldy. Baqylaýshylar bosqyndar sanynyń ósýin Aýǵanstandaǵy kúrdeli jaǵdaımen baılanystyryp otyr.
