Majarstan prezıdenti Qazaqstanǵa resmı saparmen keledi
ASTANA. KAZINFORM — Majarstannyń prezıdenti Tamash Shýıok jáne Parlament spıkeri Laslo Keverdiń Qazaqstanǵa resmı saparpen keledi.
Búgin Majarstannyń Syrtqy ekonomıkalyq baılanystar jáne syrtqy ister mınıstri Peter Sıııarto Qazaqstanǵa resmı saparmen keldi.
Sapar aıasynda Qazaqstan Respýblıkasy Premer-mınıstriniń orynbasary — Syrtqy ister mınıstri Murat Nurtileýmen shaǵyn jáne keńeıtilgen quramdaǵy kelissóz ótkizdi.
— Majarstan — Eýropadaǵy senimdi strategııalyq seriktes el. Tarıh pen rýhanı shejire de ortaqtastyq kóp, baýyrlas memleket. Biz Býdapeshtpen pragmatıvti jáne ózara múddeni qoldaýǵa baǵyttalǵan berik ári uzaq merzimde damytýǵa mán beremiz. Sońǵy 30 jylda jańǵyrǵan ekijaqty qarym-qatynas mazmundy saıası dıalog pen qarqyndy saıası-ekonomıkalyq, ınvestıtsııalyq kooperatsııamen órisi keń mádenı-gýmanıtarlyq baılanyspen erekshelenedi. Ásirese Qazaqstannyń prezıdenti Qasym-Jomart Toqaev pen Majarstan premer-mınıstri Vıktor Orbannyń ózara saparlary saıası dıalogqa nyǵaıtyp, árdaıym tyń dınamıka berip keledi, — dedi Murat Nurtileý resmı kezdesýden keıin BAQ ókilderine málimdeme jasaý barysynda.
Mınıstrdiń aıtýynsha, parlament aralyq qatynas eki eldiń ózara yntymaqtastyǵyna serpin berýde.
— Búgin elimizge resmı saparmen kelgen delegatsııa quramynda Majarstan ulttyq assambleıasynyń Dostyq tobynyń parlamentshileri bar. Saıası máselelerge kelsek, bıyl Majarstannyń prezıdenti Tamash Shýıok jáne Parlament spıkeri Laslo Keverdiń elimizge resmı saparyn uıymdastyrý josparlanyp otyr. Árıne, bıyldyń qysqasha ǵana tizimi, bolashaqta biz ekpindi, belsendi saıası dıalogty jalǵastyrýǵa mán beremiz, — deıdi ol.
Eske sala ketsek, bıyl 17 qańtarda Qasym-Jomart Toqaev pen Majarstan Premer-mınıstri Vıktor Orban ekijaqty kún tártibiniń ózekti máselelerin talqylap, Qazaqstan men Majarstan arasyndaǵy strategııalyq seriktestikke oń baǵa berdi.