Majarstan pasporty álemdegi eń myqty 7 qujattyń qataryna kirdi

ASTANA. KAZINFORM — Majarstan Eýropalyq Odaq elderiniń arasynda pasporttar reıtıngi boıynsha 7-orynǵa kóterildi, dep habarlaıdy AZERTADJ.

Halyqaralyq áýe kóligi qaýymdastyǵynyń (IATA) málimetinshe, bul el azamattaryna 185 memleketke vızasyz kirýge múmkindik beredi. Atalǵan pozıtsııa ótken jylmen salystyrǵanda bir saty joǵary.

Halyqaralyq áýe kóligi qaýymdastyǵy aı saıyn jańartyp otyratyn reıtıngte 199 eldiń pasporty men 227 baǵyt saraptalady. Majarstan Aýstralııa, Chehııa, Malta jáne Polsha elderimen birge 7-oryndy bólisip otyr.

Kórshiles elder arasynda Slovakııa, Slovenııa jáne Horvatııa 9-orynǵa jaıǵasqan (183 baǵyt). Rýmynııa – 13-orynda (177 el), Ýkraına – 29-orynda (147 el), al Serbııa – 34-orynda (138 el).

Osydan buryn Majarstan Eýropadaǵy eń tynysh ári qaýipsiz týrıstik baǵyttardyń biri retindegi bedelin taǵy bir márte rastaǵanyn jazǵanbyz. Týrızm salasy mamandarynyń baǵalaýynsha, bul elde qylmys deńgeıi tómen ári sheteldik qonaqtar úshin jaıly.