Majarstan parlamenti halyqaralyq qylmystyq sottan shyǵý týraly zań jobasyn maquldady

ASTANA.KAZINFORM — Qujatty depýtattardyń úshten ekisinen astamy qoldady, dep habarlaıdy TASS.

Majarstannyń bir palataly Parlamenti eldiń halyqaralyq qylmystyq sottan shyǵýy týraly zań jobasyn maquldady. Zań shyǵarýshy organnyń saıtynda jarııalanǵan daýys berý barysynda depýtattardyń úshten ekisinen astamy tıisti qujatty qoldaǵan.

Bul qujatty Parlamentte usyna otyryp, Vengrııa Syrtqy ister mınıstrliginiń basshysy Peter Sıııarto sońǵy jyldary HQS qatty saıasattandyrylǵanyn jáne ony ártúrli memleketter halyqaralyq qaqtyǵystardaǵy maqsattaryna jetý úshin qoldana bastaǵanyn aıtty.

— Vengrııa saıasat pen geosaıasattyń halyqaralyq uıymdarda orny joq dep esepteıdi, — dedi mınıstr.

Vengrııa Úkimeti bul sheshimdi Izraıl premer-mınıstri Benıamın Netanıahýdyń Býdapeshtke saparyna oraılastyra otyryp, sáýir aıynyń basynda eldiń HQS-tan shyǵatynyn jarııalady. Ol radıkaldy palestınalyq HAMAS qozǵalysyna qarsy kúreste Vengrııanyń qoldaýyna ıe boldy.

Ótken qarashada HQS Palestına aýmaǵynda áskerı jáne adamzatqa qarsy qylmystar jasady degen aıyppen ony tutqyndaýǵa sanktsııa berdi. Vengrııa Premer-Mınıstri Vıktor Orban bul sheshimdi «absýrd jáne uıat» dep atady.

Buǵan deıin Bınıamın Netanıahý halyqaralyq qylmystyq sot orderine qaramastan Býdapeshtke kelgenin jazǵan edik.