Majarstan Qazaqstanmen birlesken jobalardy júzege asyrýǵa múddeli
NUR-SULTAN. QazAqparat - Majarstan Qazaqstanmen birlesken jobalardy júzege asyrýǵa múddelilik tanytady. Bul týraly búgin Aqordada QR Prezıdenti Qasym-Jomart Toqaevpen kelissózderden keıingi birlesken málimdeme barysynda Majarstan Premer-Mınıstri Vıktor Orban aıtty, dep habarlaıdy QazAqparat tilshisi.
"Qazaqstanda osydan 4,5 jyl buryn bolǵan edim. Sol ýaqyttan beri elderińiz qarqyndy damyp, ilgerileı túsken. Qazir tehnologııalyq ózgeristerdi baıqap otyrmyn jáne aldaǵy ýaqytta munan da qarqyndy damýǵa kýá bolatyndyǵymyzǵa senimim mol", - dedi Majarstan Úkimetiniń basshysy.
Onyń atap ótýinshe, Qazaqstan men Majarstannyń arasy geografııalyq turǵyda tym shalǵaı jatyr. Dál osy jaıt ekonomıkalyq baılanystardy kúsheıtýde qıyndyq týdyryp otyr. Degenmen, ony da eńserýdiń joldary bar.
"Biz sońǵy ýaqytta qazaq-majar birlesken kásiporyndaryn qurý úshin barynsha qarqyndy jumys júrgizdik. "Nur-Sultan" qalasyndaǵy halyqaralyq qarjy ortalyǵynyń qurylýyna jan-jaqty qoldaý kórsetip, qazaq-majar ınvestıtsııalyq qoryn qurdyq. Ol qazirgi ýaqytta óziniń alǵashqy jemisin berip te otyr. Atap aıtqanda, aýyl sharýashylyǵy salasynda ózimizdiń eń alǵashqy iri ınvestıtsııalyq jobamyzdy júzege asyrdyq. Ekinshi jobany qolǵa aldyq. Onyń aıasynda sút zaýytyn salatyn bolamyz", - dedi Vıktor Orban.
