Majarstan Qazaqstanda AES salýǵa óz tehnologııasyn usyndy

ASTANA. KAZINFORM – Majarstannyń syrtqy ekonomıkalyq baılanystar jáne syrtqy ister mınıstri Pıter Sıııarto Qazaqstanda atom elektr stansasyn salý tehnologııasymen bólisýge daıyn ekenin jetkizdi.

- Qazaqstan atom elektr stantsııalaryn salý týraly sheshim qabyldady. Bizdiń tehnologııa men atom energetıkasy salasyndaǵy tájirıbemiz Qazaqstan úshin qolaıly bolady dep oılaımyn, - Pıter Sıııarto Qazaqstanǵa resmı sapary barysynda BAQ ókilderiniń aldynda málimdeme jasaı turyp.

Sondaı-aq sheteldik meıman taraptar strategııalyq shart jasasýdy josparlap otyrǵanyn, onyń sheńberinde majarlyq MOL munaı-gaz kompanııasy Qazaqstandaǵy jańa ken oryndaryn ıgerý salasyndaǵy jobalardy iske asyrýǵa qatysatynyn habarlady.

- Majarlyq kompanııalar aýyl sharýashylyǵy salasyn jańǵyrtýda mańyzdy ról atqarady jáne jaqyn arada quny 25 mln dollar bolatyn jańa kásiporyndar ashady, - dep habarlady Pıter Sıııarto.

Aıta keteıik, búgin Majarstannyń Syrtqy ekonomıkalyq baılanystar jáne syrtqy ister mınıstri Peter Sıııarto elordaǵa resmı saparmen keldi.

Belgili bolǵandaı, Majarstannyń prezıdenti Tamash Shýıok jáne Parlament spıkeri Laslo Keverdiń Qazaqstanǵa resmı saparmen keledi. 

Odan bólek, QR Premer-mınıstriniń orynbasary — Syrtqy ister mınıstri Murat Nurtileý Taıaý Shyǵystaǵy jaǵdaıǵa alańdaýshylyq tanytty. 

Sondaı- aq Murat Nurtileý Reseı men Ýkraına arasyndaǵy qaqtyǵystyń ońaılyqpen sheshilmeıtinin aıtty. 

Kezdesý barysynda Qazaqstanda majar bankteriniń fılıaly ashylatyny aıtyldy.