Majarstan halyqaralyq qylmystyq sot quramynan shyqqanyn resmı túrde jarııalady

ASTANA. KAZINFORM – Sheshim Izraıl premer-mınıstri Bınıamın Netanıahýdyń Majarstan astanasyna sapary aıasynda qabyldandy.

 Мажарстан халықаралық қылмыстық сот құрамынан шыққанын ресми түрде жариялады
Фото: pixabay.com

Halyqaralyq qylmystyq sot quramynan shyǵý týraly sheshimdi premer-mınıstr keńsesiniń basshysy Gergeı Gýlıash habarlady. Sheshim Izraıl premer-mınıstri Bınıamın Netanıahýdyń Býdapesht qalasyna sapary bastalǵan kúni oǵan Gaza sektorynda áskerı qylmys jasady degen aıyppen qamaýǵa alýǵa order berilgeni eskerilip jarııalandy.

Majarstan áli de HQS múshesi bolǵandyqtan ol Izraıl kóshbasshysyn elge kirgen kezde ustaýǵa resmı túrde mindetti. Alaıda Vıktor Orban Netanıahýǵa Majarstanda eshqandaı qaýip tónip turǵan joq dep, aldyn ala sendirdi. Majarstan sondaı-aq EO aıasynda atysty toqtatý jáne Gazadaǵy beıbit turǵyndardy qorǵaý týraly birlesken málimdemelerge birneshe ret tosqaýyl qoıdy.

- Úkimet toqtatý protsedýrasyn konstıtýtsııalyq jáne halyqaralyq-quqyqtyq bazaǵa sáıkes beısenbi kúni bastaıdy, - dedi G.Gýlıash.

Buǵan deıin Bınıamın Netanıahý halyqaralyq qylmystyq sot orderine qaramastan Býdapeshtke kelgenin jazǵan bolatynbyz. Beısenbi kúni tańerteń onyń Orbanmen kezdesýi josparlanǵan.

V.Orban Netanıahýdy 2024 jyldyń qarashasynda HQS ony qamaýǵa alý orderi shyqqan kezde Majarstanǵa shaqyryp, bul sheshimniń onyń elinde kúshke ıe bolmaıtynyn aıtty.

Сейчас читают