Majarstan – Eýropadaǵy eń qaýipsiz týrıstik baǵyttardyń biri

ASTANA. KAZINFORM – Majarstan Eýropadaǵy eń tynysh ári qaýipsiz týrıstik baǵyttardyń biri retindegi bedelin taǵy bir márte rastady. Týrızm salasy mamandarynyń baǵalaýynsha, bul elde qylmys deńgeıi tómen ári sheteldik qonaqtar úshin jaıly. 

AZƏRTAC agenttigi BBJ iskerlik jýrnalyna silteme jasap habarlaǵandaı, Býdapesht, Debretsen jáne Seged sııaqty tanymal qalalar týrısterdi taza kóshelerimen, damyǵan ınfraqurylymymen jáne jergilikti turǵyndardyń qonaqjaılyǵymen baýrap otyr. Saıahatshylardyń aıtýynsha, tipti keshki ýaqytta da kóshelerde emin-erkin serýendep, kóne kvartaldardyń atmosferasynan lázzat alýǵa bolady.

Majarstannyń týrızm mınıstrliginiń málimetinshe, sheteldik qonaqtardyń sany jyl saıyn artyp keledi. Bul – týrısterdiń elge degen seniminiń aıǵaǵy. Osy oraıda bılik organdary saıahatshylarǵa arnalǵan qaýipsizdik pen qyzmet kórsetý sapasyn arttyrýǵa belsendi túrde ınvestıtsııa salyp jatyr.

Sonymen qatar, mamandar týrısterge tanymal oryndarda saqtyq sharalaryn saqtap, jeke zattaryna muqııat bolýǵa keńes beredi.

Aıta ketelik Majarstanda týý kórsetkishi kúrt tómendegeni týraly jazǵan edik.