Majarstan Eýroodaqtyń Ýkraınaǵa ekonomıkalyq kómegin maquldamady
Eýroodaq sammıtinde Ýkraınaǵa 50 mlrd eýro kóleminde ekonomıkalyq kómek bólý týraly sheshimge Majarstan qarsy boldy. Kazinform bul týraly VVS-ge silteme jasap habarlaıdy.
«Túngi aýysym qorytyndysy: Ýkraınaǵa qosymsha qarjy bólýge veto qoıyldy», — dep jazdy jumaǵa qaraǵan túni H jelisinde Majarstan premer-mınıstri Vıktor Orban.
Eýropalyq odaq tóraǵasy Sharl Mıshel EO kóshbasshylary bıýdjet josparyna Ýkraınaǵa kómekti engizý týraly kelise almaǵanyn rastady.
Mısheldiń sózinshe, oǵan bir el qarsy bolǵan. Ol qaı el ekenin aıtpaǵanymen, onyń Majarstan ekeni jasyryn emes.
Mıshel EO-ǵa múshe elderdiń kóshbasshylary bul suraqqa kelesi jyldyń basynda qaıta oralatynyn aıtty.
«Men egjeı-tegjeıli talqylaǵym kelip turǵan joq, sebebi kelesi jyly, kelesi jyldyń basynda ótetin sammıtti daıyndaý úshin aldaǵy kúnderi, aldaǵy aptalarda áriptesterimmen jumys istegim keledi», — dep jazdy AFP agenttigi Eýropalyq odaq basshysynyń sózin.
Vıktor Orban da H jelisinde osyǵan uqsas málimdeme jasady.
«Biz bul suraqqa jetkilikti daıyndyqtan keıin kelesi jylǵy Eýropalyq keńeste qaıta oralamyz». — dedi Majarstan premer-mınıstri.
