Majarstan elshiligi Ekibastuzdaǵy soǵys tutqyndarynyń jerlengen orny týraly pikir bildirdi

ASTANA. KAZINFORM – Qazaqstandaǵy Majarstan elshiligi soǵys kezindegi majar tutqyndardyń súıegin saqtaý jumystaryn joǵary baǵalady jáne olardyń taǵdyryn tezirek anyqtaý maqsatynda tıisti uıymdarmen yntymaqtastyq jasaýdy usyndy.  

Buǵan deıin Pavlodar oblysynyń arheologtary Ekibastuzdaǵy «Bogatyr» kómir razrezi aýmaǵynan 1918 jyl dep belgilengen majar tutqyndardyń jerlengen ornyn tapqan bolatyn. Bul mazar HH ǵasyrdyń basynda Ekibastuz kómir shahtalarynda jumys istegen soǵys tutqyndaryna tıesili ekeni anyqtaldy. Qazir arheologtar tabylǵan súıekterdi sáıkestendirip, tarıhı qujattardy zertteýmen aınalysyp jatyr.

– Qazaqstandaǵy Majarstan elshiligi majar áskerı tutqyndarynyń súıekterin saqtaý jáne aty-jónin anyqtaý boıynsha júrgizilip jatqan jumystardy joǵary baǵalaıdy, – dedi elshi Rono Otto.

Onyń aıtýynsha, elshilik Majarstandaǵy tıisti uıymdarmen dereý baılanysqa shyǵyp, eki el mamandarynyń áskerı tutqyndar taǵdyryn anyqtaý jumysyn jedeldetýge atsalysyp jatyr. Qazaqstan men Majarstan arasyndaǵy úkimetaralyq komıssııa aıasynda ǵylymı-dıplomatııalyq jumys toby qurylmaq.

Aıta keteıik, zıratta 20-30 beıit bar, qulpytastarynyń keıbiri búlingen, biraq ekeýindegi jazý oqyldy. Endi olardyń týystaryna izdeý salyndy.