Majarstan elshisi: Biz qazaqtardy týys kóremiz
ASTANA. QazAqparat - QR-daǵy Majarstannyń Tótenshe jáne Ókiletti Elshisi Andrash Baranı majarlyqtar qazaqtardy týysy dep biletinin aıtty, dep habarlaıdy «QazAqparat» HAA tilshisi.
«Biz qazaqtardy týysymyz dep qabyldaımyz. Máselen, shilde aıynda ǵana Astana men Býdapeshttiń arasynda tikeleı áýe reısi ashylǵan bolatyn. Men qazir áýe qyzmetiniń menedjmenti arqyly jańadan iske qosylǵan reısterdiń ishinde Astana - Býdapesht áýe reısi eń sátti ekenin bilip otyrmyn. Qazan aıynda ǵana reıs tolymdylyǵy 94 paıyzdy quraǵan. Majarlyqtardyń basym kópshiligi óziniń túp tamyryn bilý úshin osynda keledi», - deıdi Elshi OKQ-da ótken baspasóz máslıhatynda.
Sonymen qatar, elshi óz sózinde osy jyldyń qyrkúıek aıynda Nıý-Iork qalasyndaǵy BUU Bas Assambleıasynyń otyrysy aıasyndaǵy Qazaqstannyń tóraǵalyq etýimen ótken túrki tildes memleketter yntymaqtastyǵy Keńesin eske aldy. Túrki tildes elderdiń Syrtqy ister mınıstrleriniń beıresmı kezdesýi barysynda Majarstannyń Halyqaralyq Túrki akademııasy tolyq quqyly baqylaýshy mártebesin alǵan bolatyn.
Eske sala ketsek, budan bólek Majarstan Úkimeti qazaqstandyq stýdentter úshin 200 grant bólip otyr. ıAǵnı, onyń 90 granty bakalavrıat, 90 granty magıstratýra, 20 grant doktorantýra boıynsha bólinbek. Oqý tegin. Sonymen qatar, Qazaqstan tarapynan barǵan jastar aılyq shákirtaqy alady. Naqtyraq aıtqanda, bakalavrıat pen magıstratýrada shákirtaqy 130 eýro bolsa, doktorantýrada oqıtyn jastar 420 eýroǵa deıin shákirtaqy alady.
