Majarstan alǵash ret amerıkalyq ıadrolyq otyndy qoldanbaq

Býdapesht pen Vashıngton atom energetıkasy salasynda yntymaqtastyq týraly kelisimge qol qoıýǵa nıetti, oǵan sáıkes Vengrııa AQSh-tan ıadrolyq otyn jáne paıdalanylǵan ıadrolyq otyndy saqtaý tehnologııalaryn satyp alady, dep jazdy Report agenttigi.

Bul týraly Majarstannyń Syrtqy ister mınıstri Peter Sıııarto málimdegen.

— Men óz áriptesim, AQSh memlekettik hatshysy Marko Rýbıomen atom energetıkasy salasyndaǵy mańyzdy úkimetaralyq yntymaqtastyq kelisimine qol qoıamyz, — dedi mınıstr.

Onyń sózinshe, Majarstan energetıka salasynda alǵash ret amerıkalyq ıadrolyq otyndy satyp alady.

Kelisim sonymen qatar Majarstanǵa AQSh tehnologııalaryn engizýge múmkindik beredi. Bul tehnologııalar Paksh atom elektr stantsııasynda paıdalanylǵan ıadrolyq otyndy qaýipsiz saqtaý men shaǵyn modýldik reaktorlardy salýdy qamtamasyz etedi.

Kelisim 7 qarashadan keıin Majarstan premer-mınıstri Vıktor Orban men AQSh prezıdenti Donald Tramp Vashıngtondaǵy kezdesýi kezinde qol qoıylady dep kútiledi.

Aıta keteıik, Majarstan pasporty álemdegi eń myqty 7 qujattyń qataryna kirdi.