Majarlar ejelgi túrkilerdiń Nartýǵan (Karachýn) merekesin atap ótti

TEMERIN. QazAqparat - Majarstandyq «Madııar-Turan» qory ejelgi túrkiniń Karachýn merekesin atap ótti. Bul meıram Qazaqstanda Nartýǵan degen atpen tanymal, dep habarlaıdy QazAqparat RTV arnasyna silteme jasap.

«Madııar-Turan» qory qysqy kún toqyraýy meıramyn toılady, al onyń negizgi is-sharasy Temerın qalasynda uıymdastyryldy», - dep habarlaıdy serbııalyq RTV telearnasy.

Mereke baǵdarlamasy boıynsha, dástúrli shaman ánderi shyrqalyp, úlken alaý jaǵyldy, majarlar búrkitpen ań aýlaýǵa shyqty.

Karachýn (Karascun), ıaǵnı Nartýǵan - táńirlik nanym-senimdegi eń basty merekelerdiń biri. Ol qazir Majarstanda atalyp ótedi. Majarlar búkil el aýmaǵynda úlken alaý jaǵyp, shaman ánderin shyrqaıdy. Bul rásimniń máni - jaryq sáýleniń jyldyń eń uzaq túnin tezirek jeńip, qaıta jarqyraýyna járdemdesýde.