Majar jastary qazaq tilin meńgerýge joǵary qyzyǵýshylyq tanytýda - Elshi N. Rústemov
ASTANA. QazAqparat - Majarstan men Qazaqstan arasynda stýdenttermen almasý sany artady. Bul týraly Astanada ótken baspasóz máslıhatynda Qazaqstan Respýblıkasynyń Vengrııadaǵy, Serbııadaǵy, Makedonııa Respýblıkasyndaǵy Tótenshe jáne Ókiletti Elshisi Nurbah Rústemov málim etti.
«Majarlyq jastar qazaq tilin meńgerýge joǵary qyzyǵýshylyq tanytýda. Seged ýnıversıtetinde Altaıtaný kafedrasy bar, osy oqý ornynda qazaq tili zerttelýde. Jaqynda bul eldiń azamatshasy PhD-di qazaq tilinde qorǵap shyqty»,-dedi Elshi.
N. Rústemovtyń sózine qaraǵanda, búginde Majarstanda elimizden 200-den astam stýdent bilim alýda, onyń ishinde 45-i úkimetaralyq kelisim aıasynda oqyp jatyr. Atap aıtqanda, ózara kelisimge oraı Qazaqstannan 45 adam, sáıkesinshe Majarstannan da osynshama adam bilim alý tıis.
«Búginde Bilim mınıstrliginde kelisý kezeńinde stýdenttermen almasýdy 200-ge deıin jetkizý týraly usynymy jatyr. Ótken jyly bul usynysty Majarstan Premer-Mınıstri V. Orban engizgen edi. Bıyldyń ózinde atalǵan 45 orynǵa 300-den astam ótinim kelip tústi, ıaǵnı bir orynǵa toǵyz úmitkerge deıin boldy», - dedi ol.
