Majar ýnıversıtetteri qazaqstandyq stýdentter úshin básekelesip jatyr - elshi
Bul týraly Majarstannyń Qazaqstandaǵy elshisi Bilim jáne ǵylym mınıstri Ashat Aımaǵambetovpen kezdesýinde aıtty.
Otto Ivan Rona qazaqstandyq stýdentter men oqýshylar tártiptiligimen, aǵylshyn tilin joǵary deńgeıde meńgerýimen jáne bilimdiligimen erekshelenetinin atap ótti.
Aıta keteıik, QR Bilim jáne ǵylym mınıstrligi men Vengrııanyń Adam resýrstary mınıstrligi arasynda kelisim bar.
Osy qujat aıasynda Vengrııa tarapy jyl saıyn qazaqstandyqtarǵa «Stipendium Hungaricum» stıpendııalyq baǵdarlamasy boıynsha 250 bilim grantyn bóledi.
«Vengr JOO-lary tipti qazaqstandyq stýdentter úshin kúresip jatyr. Mysaly, keshe ǵana aýyl sharýashylyǵy ǵylymdary ýnıversıtetiniń rektorynan hat aldym. Ol óz ýnıversıtetinde oqıtyn stýdentterdiń sanyn stıpendııa aıasynda 30 adamǵa deıin arttyrǵysy keledi. Qazaqstandyq stýdentter úshin osyndaı báseke ýnıversıtetterimizdiń arasynda bar. Qýantarlyq jaǵdaı, óıtkeni bul professorlyq-oqytýshylar quramy men rektorlardyń stýdentterge kóńili tolatynyn kórsetedi. Árıne biz bul baǵdarlamany odan ári damytýǵa kúsh salamyz», - dedi Vengrııanyń Qazaqstan Respýblıkasyndaǵy Tótenshe jáne ókiletti elshisi Otto Ivan Rona.
Dıplomat ǵylymı qaýymdastyqtyń da seriktestikke qyzyǵýshylyǵy bar ekenin aıtty.
Óz kezeginde Ashat Aımaǵambetov arheologııa, tarıh jáne ıadrolyq fızıka salalarynda birlesken ǵylymı zertteýler júrgizý múmkindikterin atap ótti.
