Mazda avtokontserni álem boıynsha 5 mln kólikti keri qaıtarmaq
ASTANA. QazAqparat - Japondyq Mazda avtokontserni otaldyrý júıesindegi aqaýǵa baılanysty kúlli álem boıynsha 4,9 mln mashınany, onyń ishinde AQSh naryǵynan 1,2 mln kólikti keri qaıtarýdy bastady, dep habarlady Associated Press.
AQSh-tan atap aıtqanda, 1989-1998 jyldary shyqqan Protege, MX-3 ı MX-6 úlgidegi kólikter keri qaıtarylady. Kompanııada atap ótkendeı, bul kóliktegi aqaýlar otaldyrý júıesinde elektr symdarynyń qyzyp ketip, ot tutanýyna ákelýi múmkin. Barlyq keri qaıtarylǵan kólikter tegin jóndeledi, dep jazady Gazeta.rý. Mazda kólikteri AQSh-ta osy aqaýǵa baılanysty apatqa ushyraǵany belgili. Basqa elderde de osy aqaýǵa qatysty 13 apatty jaǵdaı tirkelgen. Alaıda zardap shekkender joq.
