Maııa Manezanyń jubaıy úlken sportqa oraldy
ASTANA. QazAqparat - 2012 jylǵy Olımpıada oıyndarynyń chempıony Maııa Manezanyń jubaıy Vıacheslav Ershov Taldyqorǵanda aýyr atletıkadan Qazaqstannyń kúmis júldegeri atanyp, úlken sportqa oraldy. Bul týraly QR Aýyr atletıka federatsııasynyń baspasóz qyzmetinen habarlandy.
«Men tuǵyrǵa óte uzaq úzilisten keıin oraldym. 2011 jyly aýyr atletıkaǵa oralýǵa talpynys bolǵanymen, men 2007 jyly naqty jattyǵý sharalaryn tastap ketken bolatynmyn. Meniń zaıybym Maııa Maneza Rıo-de-Janeırodaǵy Olımpıadaǵa qatysýǵa bel býyp otyr. Men báribir saıystarda onymen birge bolamyn, ıaǵnı onyń daıyndyǵyna kómektesemin. Sondyqtan da osy sharalarǵa tikeleı qatysqannan keıin, dodada ózimniń de baǵymdy synap kórýdi jón kórdim», - dedi V. Ershov.
Onyń sózine qaraǵanda, ol daıyndyqty eki aı buryn bastaǵan eken.
«Meniń oıymsha, ıelengen ekinshi oryn jaman kórsetkish emes. Maýsymda Maııamen jáne bizdiń ulymyz Arsenıımen birge daıyndyqqa baramyz. Meniń anam balamyzdy baǵýǵa kómektesedi, al biz Azııa Oıyndary men álem chempıonatyna daıyndyqqa kirisemiz»,-deıdi sportshy.
Ershov qatysqan 77 keli salmaq dárejesindegi erler arasyndaǵy tartysta Meden Júndibaev chempıon atandy. Týrnırdiń qola júldesi Aıat Ámirbekovke buıyrdy.
