Maııa Maneza álem chempıonatyna ulymen birge daıyndalady
ASTANA. QazAqparat - Aýyr atletıkadan álemniń eki dúrkin chempıony jáne London Olımpıadasynyń jeńimpazy Maııa Maneza jyldyń basty jarysy - Azııa oıyndary men álem chempıonatyna qatysýǵa daıyndalyp jatyr. Bul týraly Vesti.kz tilshisine atlettiń jubaıy Vıacheslav Ershov aıtqan.
«Maııa jattyǵýdy 2013 jyldyń qarasha aıynda bastaǵan bolatyn. Ol kezde bizdiń balamyz aýyryp qaldy da, ol bir-eki aı jattyǵýdy jiberip aldy. Qazir bári jaqsy. Aldaǵy maýsym aıynda biz ulttyq komandamen jıynǵa attanamyz. Maııanyń bet alysy jaqsy ári ol jeńiske jetýdi kózdep otyr. Mende jattyǵyp jatyrmyn, múmkin Qazaqstan chempıonatyna qatysatyn shyǵarmyn», - dedi V.Ershov.
Sondaı-aq ol maýsym aıyndaǵy jıynǵa ziltemirshiler otbasymen birge attanatynyn aıtty.
«Jıynda ulymyz Arsenıı bizben birge bolady. Komandada buryn-sońdy mundaı bolmaǵan», - dedi Ershov.
Eske sala ketsek, Maııa Maneza 2013 jyly kóktemde ziltemirshi Vıacheslav Ershovqa turmysqa shyǵyp, tamyz aıynda olardyń uly Arsenıı dúnıege keldi.
Sondaı-aq aıta keterligi, jazǵy Azııa oıyndary Koreıanyń Incheon qalasynda 9 qyrkúıek pen 4 qazan aralyǵynda ótedi. Al aýyr atletıkadan álem chempıonaty Almatyda 4-16 qarasha aralyǵynda ótedi dep josparlanyp otyr.
