Maııa Maneza 2016 jylǵy Olımpııalyq oıynǵa qatysady
ASTANA. QazAqparat - Qazaqstandyq sportshy, aýyr atletıka boıynsha Londonda olımp shyńyn baǵyndyrǵan Maııa Maneza 2016 jyly Rıo-de-Janeıroda (Brazılııa) ótetin XXXI jazǵy Olımpııalyq oıyndarǵa qatysady. Bul týraly sportshy Feısbýktaǵy óz akkaýntynda habarlady.
Ol qazir jattyǵýdy kúsheıtip jatqanyn aıtty. «Men qazir daıyndyq ústindemin. Qazaqstanǵa taǵy bir altyn ákelgim keledi!», - dep jazdy Maııa Maneza.
Eske sala keteıik, joǵary júldeli medaldi ol 2012 jylǵy Londonda ótken oıyndarda jeńip alǵan. 63 kelige deıingi salmaq sanatynda qatysqan Maneza olımpııalyq rekord - 245 keli nátıjeni kórsetti.
