Máıithanada nekrofılııa jasady degen kúdikti ádilet organdarynda jumys istemeıdi – mınıstrlik

ASTANA. KAZINFORM – QR Ádilet mınıstrliginiń resmı ókili Talǵat Ýálı Almaty qalasyndaǵy máıthanalardyń birinde bolǵan nekrofılııa jaǵdaıyna túsinik berdi.

Ótken aptada Almatyda máıithana kúzetshisi qaıtys bolǵan adammen jynystyq qatynas jasady degen kúdikke ilingen edi. 

Qazirgi tańda Almaty qalasy PD Áýezov aýdanynyń polıtsııa basqarmasy QR QK 314-baby 2-bóligi boıynsha 1980 jyly týǵan azamatqa qatysty tergeý júrgizip jatyr.

«Alaıda, bul azamat sot-saraptama ortalyǵymen jáne onyń aýmaqtyq bólimshelerimen eńbek qatynasynda turmaǵanyn atap ótken jón. ıAǵnı, ol ádilet organdarynyń qyzmetkeri emes. Shartqa sáıkes, máıithanany qorǵaýdy „Aıat Sekıýrıtı“ JShS júzege asyrdy, bul azamat atalǵan JShS atynan máıithananyń kúzetshisi bolyp jumys istegen», — dedi T. Ýálı mınıstrlik uıymdastyrǵan brıfıngte. 

Sonymen birge, spıker kúzet kompanııasynyń aldaǵy taǵdyry týraly aıtyp berdi. 

«Bul kompanııamen aldaǵy ýaqytta quzyrly organdar tıisti jumys júrgizedi, kúdiktiniń bul kompanııaǵa qalaı kelgeni, psıhıatrııalyq esepte turǵan-turmaǵany tekseriledi. Eger zań tarapynan buzýshylyqtar anyqtalsa, kompanııamen jumys toqtatylady», — dep tolyqtyrdy ol.