Maıra Muhamedqyzy saılaýshylardy ásem ánmen qarsy aldy
«Men taǵdyryma rızamyn. Táýelsizdiktiń arqasynda óz Otanyma oraldym. Qazaqstandy óner elshisindeı álem sahnalarynda tanytyp kelemin. Eshbir saılaýdan qalys qalmaǵanmyn. Sebebi, saılaý – eldiktiń nyshany. Óz elimiz bar, óz jerimiz bar, baqytty halyqpyz», - dedi opera ánshisi.
Qazaqstannyń eńbek sińirgen ártisi, «Qurmet», «Otan» ordenderiniń ıegeri, «Tarlan», QR Memlekettik syılyǵynyń laýreaty Maıra Muhamedqyzy saılaý ýchaskesine otbasymen kelip, óz ujymymen saılaýshylardyń kóńilin aýlap, án shyrqady.
«Árbir adam halyqqa óziniń qolynan keletin ispen qyzmet etýi tıis. Men de búgin qur daýys berip qana qoımaı, ýchaske Opera jáne balet teatrynda ornalasqan soń, saılaýshylar teatrdan án tyńdamaı shyqpasyn degen nıetpen ujym bolyp án shyrqadyq. Saılaý – úlken saıası mereke. Qazaqtyń qaı merekesi ánsiz ótken?!», – dedi Maıra Muhamedqyzy.
